жедел сапқа тұру

(Оперативное построение)

операция жүргізу үшін құрылған оперативтік бірлестіктің күші мен құралдарын топтастыру. Ж.с.т. қолбасшының (командирдің) операцияны жүргізу жоспарына сай келуі қажет және төмендегілерді қамтамасыз етуі керек: ядролық қаруды, сонымен қатар тек әдеттегі құралдарды қолдана отырып операцияны табысты жүргізу; Ж.с.т-дың барлық элементтерін тиімді қолдану; қарсыластан басты бағытта басым болу; операция (ұрыстық қимылдар) кезінде күш салуды, маневрді, әскер, күш және құралдармен тез күшейту мүмкіндігі; жауынгерлік қимылдардың бір түрінен басқа түріне көшу; ұрыстық қимылдарды үздіксіз жүргізу және әскерлерді басқару тұрақтылығы; әскерлерді жаппай жою қаруынан, әуе шабуылынан сенімді қорғау және т.б. Жалпы әскери құрамының Ж.с.т-ы жалпы әскери және танк құрамаларынан, ракеталық әскер мен артиллерия топтастықтарынан, майдандық авиация, әуе шабуылынан қорғау әскерінің топтастығынан, арнайы әскерлер, әуе десанты, түрлі мақсаттағы жылжымалы бөгеу жасақтары және тылдық топтары бар бір, екі, кейде одан да көп эшелондардан тұруы мүмкін.